ბაციკაძე კახა

კახა ბაციკაძე

ბაციკაძე კახა − (1977), ქართველი პოეტი. დაიბადა თბილისში. დაამთავრა 30-ე საშუალო სკოლა, შემდეგ კი თსუ-ს ფილოლოგიის ფაკულტეტი. პირველი ლექსი გამოაქვეყნა 1995 წელს გაზეთ „პედაგოგიკაში”, ხოლო შემდეგ ხშირად იბეჭდებოდი სხვადასხვა ჟურნალ-გაზეთში. არის ბევრი კრებულის თანაავტორი შემოქმედებით ჯგუფ „ზღვართან” ერთად, რომლის ერთ-ერთი ძირითადი წევრი და ხელმძღვანელი არის იგი. მისი მთავარი წარმატებები სწორედ ამ ჯგუფის მოღვაწეობას უკავშირდება.

რუსთაველი

მე პოეზიით ვარ შეპყრობილი,

როგორც იესო − ჯვარცმის სურვილით;

მაღალ ზეცისკენ თვალაპყრობილი,

სამყაროს ზღვრამდე, ვიცი, სულ ვივლი,

სანამ არ ვნახავ უფლის სამყოფელს;

კოსმიურ შუქთა დიად ტალღებში

გულს უკვდავების ფიქრი ამკობდეს...

მე მსურს შევხედო უფალს თვალებში... -

ეს ნატვრა, თითქოს, სიზმარს ედრება,

და სული რჩება სიმწუხარეში...

ვარ კვლავ ზეცისკენ თვალაპყრობილი,

ისმის მთებიდან თეთრი ხმა _ ყინვის,

შეხედეთ, − თავად იესო მადგამს

მე პოეზიის ეკლიან გვირგვინს!..

ვგრძნობ: პოეზიით ვარ შეპყრობილი....

წყარო

ქართველი პოეტები (ენციკლოპედია)