ბახთალას ეკლესია
NPLG Wiki Dictionaries გვერდიდან
ბახთალას ეკლესია (XVI საუკუნის I ნახევარი) ღვთისმშობლის შობის სახელზე აგებული ტაძარი საინგილოში, ისტორიულ ჰერეთში (ახლანდელი სოფ. ალიაბადიდან 7 კმ-ზე), (ზაქათალის რაიონი, აზერბაიჯანი).
ტაძარი გუმბათიანია, ნაგებია აგურით. ლავგარდანებისა და ფასადის ზედა ნაწილებისთვის გამოყენებულია შირიმი, რომელთაც ამოყვანილი იყო გუმბათის ყელიც (დღეს გუმბათი ჩამოშლილია). გუმბათი ეყრდნობოდა საკურთხევლის ნახევარწრიული აფსიდის კუთხეებსა და ორ ბურჯს. ფასადები სადაა. ბახთალას ეკლესიას შესასვლელები დასავლეთიდან და ჩრდილოეთიდან ჰქონდა. ტაძარი ძლიერ არის დაზიანებული.
ლიტერატურა
ჭილაშვილი ლ., კახეთის ქალაქები (XIV-XVII სს.), თბ., 1980.
