ბახი კარლ ფილიპ ემანუილ
NPLG Wiki Dictionaries გვერდიდან
კარლ ფილიპ ემანუილ ბახი - (გერმ. Carl Philipp Emanuel Bach) [8. III. 1714, ვაიმარი, – 14. XII. 1788, ჰამბურგი], კომპოზიტორი და კლავესინისტი, ი.ს. ბახის მეორე ვაჟი, ყველაზე ცნობილი მის ვაჟთაგან. დიდხანს მუშაობდა ბერლინში (1740-67 სამეფო კარის მუსიკოსად), შემდეგ ჰამბურგში – „მუსიკის დირექტორად“ (აქედან – „ბერლინელი“ ან „ჰამბურგელი“ ბახი). სხვადასხვა ჟანრის მრავალი ნაწარმოების ავტორია. განსაკუთრებით მნიშვნელოვანია სონატები კლავირისათვის (200-მდე), რომლებმაც ამ ახალი ჟანრის განვითარებაში დიდი როლი შეასრულეს.
