ბელხი

ბელხი (ვაინ. Белхи) – ნადი, შრომითი ურთიერთდახმარების კოლექტიური ფორმა, რომელსაც თანასოფლელი ვაინახები სხვადასხვა სასოფლო-სამეურნეო სამუშაოების შესრულების დროს მიმართავდნენ. ნადში ძირითადად მონაწილეობდნენ მამაკაცები, რომელთა რაოდენობა განისაზღვრებოდა სამუშაოს მოცულობითა და სიმძიმით. მასპინძელი ვალდებული იყო ნადისთვის სადილი და ვახშამი გაემართა, აუცილებლად გამოეცხო ორი სახის საწესო ღვეზელი და დამხმარეები ცეკვა-თამაშით გაერთო.

ლიტერატურა

Архиев Ч. Избранное. Магас-Назрань, 2000.

წყარო

კავკასიის ხალხთა მითები და რიტუალები