ბეჟანბეგოვი პავლე

პავლე ბეჟანბეგოვი

პავლე პეტრეს ძე ბეჟანბეგოვი – (29.01.1869 -1962), სომეხი გენერალ-მაიორი (1918)/

დაიბადა ტფილისში, საკოლეგიო მრჩევლის ოჯახში. განათლება მიიღო ტფილისის კადეტთა კორპუსში, კონსტანტინეს მე-2 სამხედრო სასწავლებელში და ნიკოლოზის გენერალური შტაბის სამხედრო აკადემიაში 1896 წელს (I თანრიგით). სამხედრო სამსახურში შევიდა 1887 წელს.

მსახურობდა კავკასიის მე-4 მსროლელ ბატალიონში, ტფილისის იუნკერთა ქვეით სასწავლებელში ოცმეთაურად და მასწავლებლად იმავე სასწავლებელში. მონაწილეობდა რუსეთ-იაპონიის (1904-1905) წლების ომში.

1905-1908 წლებში მსახურობდა კავკასიის ცხენოსანი ბრიგადის მმართველობის უფროს ადიუტანტად.

1908-1910 წლებში მსახურობდა ყურინის 79-ე ქვეით პოლკში.

1912 წლის 6 დეკემბერს მიენიჭა პოლკოვნიკის სამხედრო წოდება.

1913-1914 წლებში მსახურობდა კავკასიის I მსროლელ პოლკში.

მონაწილეობდა (1914-1918) წლების პირველ მსოფლიო ომში. ომის დროს მსახურობდა კავკასიის მე-4 მსროლელი ბრიგადის შტაბის უფროსად და კავკასიის მოხალისეთა I ბრიგადის შტაბის უფროსად. 1916 წლიდან მეთაურობდა I მსროლელ სომხურ ბატალიონს და კავკასიის 22-ე მსროლელ პოლკს.

წყარო

სომეხი გენერლები და ადმირალები საქართველოდან