ბესიკის ქუჩა

ბესიკის ქუჩა — ქუჩა თბილისში, მთაწმინდის რაიონში (მთაწმინდა). რუსთაველის გამზირიდან მთაწმინდის ქუჩამდე. წარმოიქმნა XIX საუკუნის I ნახევარში. დააპროექტა პოლკოვნიკმა ბანოვმა 1809 წელს. 1843 წლის შედგენილ თბილისის ქუჩების სიაში შეტანილია როგორც დავითის ქუჩა, 1923 წელს დაერქვა ბესიკის ქუჩა. შემონახულია XIX საუკუნის 80–90-იანი წლების საცხოვრებელი სახლები. აქვს 1 გასასვლელი.