ბოთყიი შირთყა

ბოთყიჲ შირთყა / ბოთოყო შერთუყო (ინგუშ. Боткъий Ширткъа / Ботокъо Шертукъо) – ინგუშურ ნართულ თქმულებათა პოპულარული პერსონაჟი, საიქიოში მოგზაური, ამბივალენტური ბუნების გმირი: ნართ-ორსთხოელთა მრჩეველი, კრიტიკულ სიტუაციებში მათი დამხმარე და მხსნელი, მაგრამ იმავდროულად ორსთხოელთა ჭირად გაჩენილი. როცა ნართები მის მოკვლას დააპირებენ მიწისქვეშეთში ქრება. როგორც ტრიქსტერი, წარმოადგენს კულტურულ გმირს, რომელმაც ხალხს გუთანი და წყლის წისქვილი უსახსოვრა. ბოთყიჲ შირთყას ტიპოლოგიური პარალელია ნართული ეპოსის ოსური ვერსიის სირდონი.

ლიტერატურა

• Антология ингушского фольклора. Т. I. Нальчик, 2003;
• Дахкильгов И. А. Ингушский нартский эпос. Тексты. Нальчик, 2012.

წყარო

კავკასიის ხალხთა მითები და რიტუალები