ბროწეულა
NPLG Wiki Dictionaries გვერდიდან
ბროწეულა – პატარა სოფელია სამტრედიის რაიონში.
სახელწოდება
სახელწოდების წარმოშობა სრულიად ნათელი და უდავოა. იგი ნიშნავს „ადგილი, სადაც ბევრი ბროწეული ხარობს“. „ბროწეულით მდიდარი ადგილი“. ამის მიუხედავად ადგილობრივ მოსახლეობას მაინც უცდია ტოპონიმის სხვაგვარად გააზრიანება: „უწინ აქ ბერები იყრიდნენ თავს და ხშირად მართავდნენ წვეულებას. მაშინ ადგილსაც „ბერწვეულები“ ერქვა, მერე კი ბერ წვეულა ბროწეულად გადაკეთდაო“ (თამარ შარაშენიძე; ჩამწ. ლია თოდუა, ქ.სამტრედია).
