დ’ანუნციო გაბრიელე

წარწერის ტექსტი

გაბრიელე დ’ანუნციო – (იტალ. Gabriele D'Annunzio, 1863-1938), იტალიელი მწერალი და დრამატურგი.

თეატრით დაინტერესდა 90-იან წწ. ე. დუზეს გავლენით. პიესები: „გაზაფხულის დილის სიზმარი“, „შემოდგომის საღამოს სიზმარი“; ტრაგედიები „მკვდარი ქალაქი“, „ჯოკონდა“, „დიდება“, „ფრანჩესკა და რიმინი“, „იორიოს ქალიშვილი“, „ჩირაღდანი სიბნელეში“, „გემი“, „ფედრა“; ორი მისტერია ფრანგულ ენაზე: „წმინდა სებასტიანის წამება“, „პიზანელა“; ოპერის ლიბრეტო „პარიზინა“ (მუს. პ. მასკანის). მისი გმირია ზეკაცი, რომლისთვისაც მშვენიერება მორალზე მაღლა დგას. პიესებში ჭარბობს მისტიკა, ფაშისტური აღტკინება, კოსმოპოლიტიზმი.

წყარო

მსოფლიო თეატრის ენციკლოპედიური ლექსიკონი