გათვალვა

გათვალვა − თვალის ცემა, ტრადიციული რწმენით, თვალშურიანი კაცის მიერ პირუტყვზე ანდა ადამიანზე ავი თვალით შეხედვას ნიშნავდა.

აჭარაში თვალნაცემს ასე შეულოცავდნენ:

„მარიამ ტიროდა, მარიამ ყვიროდა, მარიამ ყრიდა ცრემლსა მარგალიტისა,
მოვდა წმინდა გიორგი და ასე უთხრა:
დაო მარიამ რას ტირი, რას ჩივი, რას ყრი ცრემლსა მარგალიტისა,
რავა რას ვტირი, რავა რას ვჩივი, რავა რას ვყრი ცრემლსა მარგალიტისასა?
ური-ებსა ქორწილი აქვს, ჩემი შვილი წვეულია,
გავარდნილა ბულთი, მოხთენია თვალში, და თვალი ეფსება,
ამიზა რას ტირი, ამისა რას ჩივი, ამიზა რას ყრი კურცხალს, მარგალიტსა,
ჩადი ბაღჩაში, გადმოიტანე სამი სამყური,
ფოლადაჲ ნემსით წითელ აბრეშუმზე წამოაცვი,
დაადე თვალსა, გაქარდება ქარსავით და წავა წყალსავით”.

შელოცვა დღეში სამჯერ სრულდებოდა.

ლიტერატურა

შამილაძე, 1966:23; ნიჟარაძე, 1971:123; აბაშიძე, კომახიძე, 1998:204.

წყარო

ქართველი ხალხის ეთნოლოგიური ლექსიკონი აჭარა