გამაგრებული რაიონის გარღვევა

NPLG Wiki Dictionaries გვერდიდან
გადასვლა: ნავიგაცია, ძიება

გამაგრებული რაიონის გარღვევა - მოწინააღმდეგის გამაგრებული რაიონის თავდაცვაში რღვეულის შექმნა ხანგამძლე საცეცხლე ნაგებობების დანგრევის, მათი გარნიზონების შემუსვრის და თავდაცვაში მყოფი ჯარების განადგურების გზით, სიღრმეში და ფლანგების მხარეს შეტევის გასავითარებლად.

გამაგრებული რაიონის გარღვევისთვის იქმნება ძალების და საშუალებების მაღალი სიმჭიდროვე, საბრძოლო წყობის ღრმა განლაგება, რომლის შემადგენლობაში შედის მოიერიშე რაზმები (ჯგუფები), გაცილებით უფრო მეტი, ვიდრე ჩვეულებრივ პირობებში. ასევე ტანკებით, დიდი სიმძლავრის ქვემეხებით, ცეცხლსატყორცნებით, საინჟინრო ჯარების ძალებითა და საშუალებებით გაძლიერებული ქვეითთა ქვედანაყოფები.

II მსოფლიო ომში გამაგრებული რაიონის გარღვევა ხორციელდებოდა მძლავრი ხანგრძლივი საარტილერიო და საავიაციო მომზადების შემდეგ. არც თუ იშვიათად მას წინ უძღოდა აღმოჩენილი ხანგამძლე საცეცხლე ნაგებობების დაზიანება. იერიშის მხარდაჭერა ხორციელდებოდა ცეცხლის ტალღით. მოიერიშე ჯგუფები ხელთ იგდებდნენ ხანგამძლე საცეცხლე ნაგებობებს, ხოლო მოიერიშე რაზმები – წინააღმდეგობის კვანძებს.

თანამედროვე პირობებში გათვალისწინებულია გამაგრებული რაიონის ყოველმხრივი მომზადების შემდეგ მოწინააღმდეგესთან უშუალო შეხების მდგომარეობიდან ან სიღრმიდან წინ წაწევით, ერთდროულად ან დროის ინტერვალით რამდენიმე მონაკვეთზე გარღვევა. შენაერთებსა და ნაწილებს შეუძლიათ განახორციელონ შეტევა უფრო ვიწრო ზოლებში.

ბირთვული იარაღის გამოყენების შემთხვევაში გამაგრებული რაიონის გარღვევა ხორციელდება ხანგამძლე საცეცხლე ნაგებობებისა და გამაგრებული რაიონის სხვა ობიექტების ბირთვული დარტყმებით განადგურების, ნგრევის გზით. შედეგად შემტევი ჯარები იპყრობენ გამაგრებულ რაიონს, როგორც წესი, სიღრმიდან წინ წაწევით. ნატოს ქვეყნების არმიებში გამაგრებული რაიონის გარღვევა უნდა განხორციელდეს იმავე პრინციპების საფუძველზე, როგორც თავდაცვის გარღვევა საჰაერო-სახმელეთო ოპერაციის (ბატალიის) ფარგლებში


წყარო

ქართული სამხედრო ენციკლოპედიური ლექსიკონი

მოძიებულია „https://www.nplg.gov.ge/wikidict/index.php?title=%E1%83%92%E1%83%90%E1%83%9B%E1%83%90%E1%83%92%E1%83%A0%E1%83%94%E1%83%91%E1%83%A3%E1%83%9A%E1%83%98_%E1%83%A0%E1%83%90%E1%83%98%E1%83%9D%E1%83%9C%E1%83%98%E1%83%A1_%E1%83%92%E1%83%90%E1%83%A0%E1%83%A6%E1%83%95%E1%83%94%E1%83%95%E1%83%90&oldid=43398“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები