გამოყენებითი ხელოვნება
NPLG Wiki Dictionaries გვერდიდან
გამოყენებითი ხელოვნება – ხელოვნების სფერო, რომელსაც განეკუთვნებიან უტილიტარული დანიშნულების მქონე მხატვრულად შესრულებული საგნები. გამოყენებითი ხელოვნების ცნება შეიცავს დეკორატიულობის გაგებას. მხატვრული მოხმარების საგნების უმეტესობა ასრულებს არა მხოლოდ უტილიტარულ, არამედ დეკორატიულ ფუნქციებს. ამიტომ ორივე ეს გაგება ხშირად იცვლება „დეკორატიულ-გამოყენებითი ხელოვნების“ საერთო ცნებით.