გამყრელიძე გიორგი (პოეტი)
გამყრელიძე გიორგი − (1903 − 1975), პოეტი ფსევდონიმი − „ზოდელი”. დაიბადა სოფელ ზოდში (ჭიათურა); სწავლობდა ქუთაისის სათავადაზნაურო გიმნაზიაში. გიმნაზიაში სწავლისას დააარსა ჟურნალი „ბაღდადის წეროები“ (1920), რომლის რედაქტორი თვითონვე იყო. მისი უახლოესი მეგობრები იყვნენ ტიციან ტაბიძე და პაოლო იაშვილი. მისი პირველი ლექსები ცისფერყანწელთა ჟურნალ „მეოცნებე ნიამორებში“ იბეჭდებოდა. 1920 წელს საქართველოში გამოიცა მისი ლექსების წიგნი „შემოდგომის ჭიანურები“, 1922 წელს კი − გრიგოლ ზოდელის ფსევდონიმით „დალურსმული ხელები“. 1927 წელს დაამთავრა გერმანიაში ქალაქ კეთენის საინჟინრო ინსტიტუტის სამთოსაინჟინრო ფაკულტეტი. 1937 წელს სამუშაოდ წავიდა ჩეხოსლოვაკიაში; 1941 წელს საცხოვრებლად გადავიდა აშშ-ში; მუშაობდა ვაშინგტონის ბიბლიოთეკაში აღმოსავლური მხატვრული ლიტერატურის განყოფილებაში, რადიოსადგურ „ამერიკის ხმის” ქართულ განყოფილებაში. 1972 წლიდან ცხოვრობდა გერმანიის ქალაქ მიუნხენში. ავტორია პოეტური კრებულებისა: „გვიანი რთველი” (1960) და „ლურჯი მონოკლი” (1932).
