გასტროფილოზი
NPLG Wiki Dictionaries გვერდიდან
გასტროფილოზი - (gastrophilosis; აღმძვრელის გვარის დასახელება Gastrophilus + ბერძნ. osis დაავადება) – კენტჩლიაქიანი ცხოველების ენტომოზური დაავადება, რომლის აღმძვრელებია Gastrophilus-ის გვარის კუჭნაწლავის ტრაქტის ბორების ლარვები. გავრცელებულია ყველგან.
სიმპტომები: საჭმლის მომნელებელი ტრაქტის მოტორულ-სეკრეტორული ფუნქციის დარღვევა, ანემია, სიგამხდრე, ზოგჯერ კოლიკები, ლოყებზე ბალნის გაცვენა, გართულებული სუნთქვა, ნერწყვდენა, სწორი ნაწლავის ბოლო უბნის გაწითლება და დაწყლულება. ზოგჯერ ხდება კუჭის კედლის ან თორმეტგოჯა ნაწლავის პერფორაცია, ირღვევა ყლაპვისა და დეფეკაციის აქტები.
