გეწაძე აკაკი
NPLG Wiki Dictionaries გვერდიდან
გეწაძე აკაკი– (1923 – 2008), ქართველი მწერალი, დრამატურგი და პოეტი. დაიბადა სოფელ წესში (ონი); 1953 წელს დაამთავრა თსუ. იყო მეორე მსოფლიო ომის მონაწილე; მუშაობდა რესპუბლიკის მთავარი გაზეთის, „კომუნისტის” საკუთარ კორესპონდენტად რაჭა-ლეჩხუმში; მისი ძირითადი ლიტერატურული საქმიანობა დაკავშირებული იყო პროზასა და დრამატურგიასთან, მაგრამ აქვეყნებდა ლექსებსაც (კრებულები: „კეთილი კვალი”, 1961 და „აფეთქებული დუმილი”, 1973).
- * * *
- ცას და მიწას ვინ მისცა ფერი, ასე ბევრი?
- ტკბილი ცეცხლით ამღერდა
- ქვა ბუხრის და კერის.
- აგალობდა შარაგზა, აგალობდა ქვევრი...
- შემოდგომა ქეიფობს, შემოდგომა მღერის.
- ძირს დააგდო ბოხოხი, ცას ავარდა მტვერი:
- - აი, ასე დაემხოს, მიწავ, შენი მტერი!
- ყველას მარად უყვარდე, შეგელიოს ვერვინ,
- გაუტოლდეს მეცხრე ცას შენი სახლის ჭერი.
- ვინც სიკეთის გზას ადგას, გყავდეს ბედნიერი,
- როცა მზე მოგწყინდება, დადგეს წვიმის ჯერი,
- მიწის ლოცვით აივსოს ზეცა მტრედისფერი...
- შემოდგომა ქეიფობს, შემოდგომა მღერის.
