გვანცა (რაჭის ერისთავი კახაბერის ასული)
NPLG Wiki Dictionaries გვერდიდან
გვანცა – (გ. დაახლ. 1262), რაჭის ერისთავი კახაბერის ასული, საქართველოს დედოფალი. თავდაპირველად ავაგ მხარგრძელის, ხოლო მისი გარდაცვალების შემდეგ (1250) დავით VII ულუს მეუღლე. მონღოლთა წინააღმდეგ დავით ულუს აჯანყების გამო გვანცა და მისი მცირეწლოვანი შვილი დემეტრე (შემდეგში დემეტრე II თავდადებული) მონღოლებმა შეიპყრეს. ჰულაგუ-ყაენმა დედოფალი სიკვდილით დასაჯა.
ლიტერატურა
ჯავახიშვილი ივ., ქართველი ერის ისტორია, წგ. 3. თბ., 1982 (თხზ. თორმეტ ტომად, ტ. 3).