გოგია დალილა

დალილა გოგია

გოგია დალილა – (1979), დაიბადა თბილისში. დაამთავრა 1-ლი საშუალო სკოლა, შემდეგ – თბილისის უცხო ენათა სახელმწიფო ინსტიტუტის ინგლისური ენისა და ლიტერატურის ფაკულტეტი. არის მხატვრული ლიტერატურის მთარგმნელი. ინგლისურიდან ქართულად ნათარგმნი აქვს არაერთი პოეტური და პროზაული ნაწარმოები მისი თარგმანები და სტატიები დაბეჭდილია შემდეგ გამოცემებში: „არილი“, „ახალი საუნჯე“, „ინდიგო“, „აფრა“, „ქართული მწერლობა“.

შერონ ოლდსი, „პრიმიტივი“

თარგმნა დალილა გოგიამ

მსმენია

ცივილიზებული ადამიანების შესახებ,

მათი ქორწინება მოიცავს დახვეწილ,

გულწრფელ და გონივრულ საუბრებს.

მე და შენ კი ველურები ვართ.

პარკით ხელში შემოდიხარ

და უსიტყვოდ მაწვდი.

სურნელით ვხვდები – ხორცის Moo Shu,

გზავნილიც მესმის: წუხელ

გასიამოვნე. ჩუმად ვსხედვართ,

გვერდიგვერდ, ვჭამთ გრძელ მაჭკატებს.

აქა-იქ ცომი სკდება, ხორცი ვარდება,

სურნელოვანი სოუსი იწუწება.

ერთმანეთს ალმაცერად ვუყურებთ,

უხმოდ, ჩვენი თვალის კუთხეები

იმ ორი შუბის წვეტებივით ლაპლაპებს,

პარმაღზე რომ დევს, იმის ნიშნად,

რომ აქ მეგობარი მეგობრის გვერდითაა.

წყარო

ქართველი პოეტები (ენციკლოპედია)