გრიგოლ აბაშიძის ქუჩა

გრიგოლ აბაშიძის ქუჩა – ქუჩა თბილისში; ძველი თბილისის რაიონი (გარეთუბანა); ანტონ ფურცელაძის ქუჩიდან ალექსანდრე პუშკინის ქუჩამდე. წარმოიქმნა XIX ს. პირველ ნახევარში. თბილისის 1867 წ. გეგმაზე დატანილია როგორც სამების ქუჩა, რადგან ამ ქუჩაზეა წმინდა. სამების ეკლესია (1863). 1923 დაერქვა განათლების ქუჩა, 1983 – ე. მანჯგალაძის, 2001 გ. აბაშიძის სახელი ეწოდა. შემონახულია XIX ს. II ნახევრის საცხოვრებელი სახლები. აქვს I შესახვევი, I ჩიხი.