გუმბერიძე ზურაბ
ზურაბ გუმბერიძე − (Zurab Gumberidze), ქართველი დიპლომატი, 1997-2007 წლებში საქართველოს საგანგებო და სრულუფლებიანი ელჩი აზერბაიჯანის რესპუბლიკაში.
დაიბადა 6 ნოემბერი, 1954 წელი, ქ. თბილისი, საქართველო.
განათლება:
1971-1976 − საქართველოს ტექნიკური უნივერსიტეტის ავტომატიკის და გამოთვლითი ტექნიკის ფაკულტეტი, ინჟინერის სპეციალობა;
1979-1982 − TU Dresden − დრეზდენის ტექნიკური უნივერსიტეტის (გერმანია) ასპირანტურა, ტექნიკურ მეცნიერებათა დოქტორი.
სამუშაო გამოცდილება:
1976-1979 − საქართველოს ტექნიკური უნივერსიტეტის ინჟინერი, შემდგომ უმცროსი მეცნიერ თანამშრომელი;
1979-1982 − TU Dresden − დრეზდენის ტექნიკური უნივერსიტეტის (გერმანია) ასპირანტი;
1982 − ტექნიკური დოქტორის ხარისხის დაცვა და მინიჭება;
1982-1983 − საქართველოს ტექნიკური უნივერსიტეტის უფროსი მეცნიერ მუშაკი, სექტორის ხელმძღვანელი;
1983-1992 − საქართველოს ტექნიკური უნივერსიტეტის მანქანათმშენებლობის პროგრამული მართვის კათედრის დოცენტი;
1988-1992 − საქართველოს ტექნიკური უნივერსიტეტის საღამოს და დაუსწრებელი სწავლების №2 ფაკულტეტის დეკანი;
1992-1995 − საქართველოს ტექნიკური უნივერსიტეტის მანქანათმშენებლობის პროგრამული მართვის კათედრის გამგე, პროფესორი;
1995-1997 − აზერბაიჯანის რესპუბლიკაში საქართველოს საელჩოს საგანგებო და სრულუფლებიანი დესპანი;
2007-2008 − აზერბაიჯანის რესპუბლიკაში საქართველოს ნავთობისა და გაზის კორპორაციის წარმომადგენლობის დირექტორი;
2008-2011 − კომპანია „AZ-Invest“-ის დირექტორი (ბაქო);
2011-2018 − კომპანია „CBS-Consulting”-ის ბაქოში წარმომადგენლობის დირექტორი, ამჟამად მრჩეველ-ექსპერტი (თბილისი);
1998 − საერთაშორისო სატრანსპორტო TRACECA პროექტის ბაქოს ხელშეკრულების ძირითადი დოკუმენტის მოსამზადებელი ქართული საექსპერტო დელეგაციის ხელმძღვანელი;
1996-2004 − ბაქო-სუფსის და ბაქო-თბილისი-ჯეიჰანის ნავთობსადენების და ბაქოთბილისი-ერზერუმის გაზსადენის ძირითადი ხელშეკრულებების მომზადების საქართველოს დელეგაციის წევრი, ექსპერტი.
ფლობს: ქართულ, რუსულ, გერმანულ დ ინგლისურ ენებს.
მინიჭებული აქვს საგანგებო და სრულუფლებიანი ელჩის დიპლომატიური რანგი.
ჯილდოები:
საქართველოს სახელმწიფო პრემია მეცნიერებისა და ტექნიკის დარგში;
აზერბაიჯანის რესპუბლიკის პრეზიდენტის განკარგულებით დაჯილდოვდა „Şöhrət“ (დიდების) ორდენით აზერბაიჯანსა და საქართველოს შორის კულტურული, ეკონომიკური და პოლიტიკური ურთიერთობების ჩამოყალიბებაში განსაკუთრებული როლისათვის.