ეკა ბეჟანიშვილის ქუჩა

ეკა ბეჟანიშვილის ქუჩა — ქუჩა თბილისში, ნაძალადევის რაიონში (ნაძალადევი); მექანიზაციის ქუჩიდან მთის ფერდობამდე. წარმოიქმნა XX საუკუნის 30-იან წლებში. თბილისის 1934 წლის გეგმაზე დატანილია როგორც კოლექტივიზაციის ქუჩა, შემდეგ ელმავლის ქუჩა ერქვა (სახელწოდება დაკავშირებულია აქ მდებარე ელმავალშემკეთებელ ქარხანასთან), 1972 წელს კომუნისტური შრომის ქუჩა დაერქვა, 1991 წელს ეკა ბეჟანიშვილის სახელი ეწოდა. აქვს 2 გასასვლელი, 1 შესახვევი, 1 ჩიხი.