ესთეტიკა
NPLG Wiki Dictionaries გვერდიდან
ესთეტიკა - (ბერძნ. aisthetikos გრძნობადი), მოძღვრება, მეცნიერება საერთოდ მშვენიერების, კერძოდ კი ხელოვნებისა და ესთეტიკური გემოვნების ზოგად კანონზომიერებაზე. იგი შეისწავლის მშვენიერებას სინამდვილესა და ხელოვნებაში, ხელოვნების არსსა და განვითარების კანონებს, ესთეტიკურის, ესთეტიკური იდეალის, გემოვნებისა და განსჯის ზოგად ბუნებას.
ესთეტიკა წარმოიშვა ანტიკურ საუკუნეებში. ქართული ესთეტიკური აზროვნება არსებითად შ. რუსთაველით იწყება. ჩამოყალიბებულ და მთლიან სახეს კი იღებს გასული საუკუნის 60-იან წლებში, ი. ჭავჭავაძის ნააზრევში.
