ეშქი

ეშქ-ი (ინგ. Эшк – „რკინა“) – ინგუშურ ნართულ თქმულებათა პერსონაჟი; ცხვოვრობს სოფ. ეღიყალში, მეგობრობს ნართ-ორსთხოელ სესქა-სოლსასთან. ერთხელ მეგობრები საშოვარზე ერთად უნდა წასულიყვნენ, მაგრამ დილით მისულ ეშქს სესქა-სოლსა უკვე წასული დაუხვდა. შეთანხმების დარღვევის გამო, ეშქმა მეგობრის ლამაზი ქალიშვილი სახლში წამოიყვანა და ოქროს თასიც წამოიღო. შინ დაბრუნებული სესქა-სოლსა, ამ ამბის გაგებისთანავე, ქალიშვილის წამოსაყვანად ეშქის ოჯახში მივიდა, მაგრამ მეგობრის დედამ მოთხოვნაზე უარი უთხრა, თან ხელი მხარზე შეახო და ძვალი გაუტეხა. როცა სესქა-სოლსამ თავისი დაიჩემა, დედაბერმა მეორე მხრის ძვალიც ჩაუმტვრია. ნართი გმირი იძულებული გახდა ბედს დამორჩილებოდა და ეშქი სიძედ ეღიარებინა. გადმოცემათა მიხედვით, ეშქი ინგუში ბოგათირევების გვარის დამფუძნებლად ითვლება.

ლიტერატურა

• Антология ингушского фольклора. Т. 1. Нальчик, 2003;
• Дахкильгов И. А. Ингушский нартский эпос. Тексты. Нальчик, 2012.

წყარო

კავკასიის ხალხთა მითები და რიტუალები