ვალტორნა
NPLG Wiki Dictionaries გვერდიდან
ვალტორნა - (გერმ. Waldhorn - ტყის რქა), უძველესი სასულე მუნდშტუკიანი საკრავი, ხასიათდება რბილი ბგერით. ვალტორნა შედის სასულე ორკესტრისა და სიმფონიური ორკესტრის შემადგენლობაში. თანამედროვე ვალტორნა ფა წყობისაა (იშვიათად სი ბემოლისა). მის პარტიას წერენ ვიოლინოს გასაღებით, ჩვეულებრივ ხმოვანებაზე კვინტით მაღლა. ფა წყობის ვალტორნის დიაპაზონია კონტროქტავის სი-დან მეორე ოქტავის ფა-მდე.
