ზამთარაძე ვერიკო

ვერიკო ზამთარაძე

ზამთარაძე ვერიკო − (1980), პოეტი, მთარგმნელი. დაიბადა თბილისში. დაამთავრა კულტურისა და ხელოვნების სახელმწიფო უნივერსიტეტი, ლიტერატურათმცოდნეობის ფაკულტეტი. 1997 წლიდან იბეჭდება ქართულ პერიოდიკაში (პოეზია, წერილები, თარგმანები, მინიატურები). 2005-2010 წლებში იყო გამომცემლობა „ეროვნული მწერლობის” რედაქტორი. 2006 წლიდან მუშაობს ჟურნალ „ლიტერატურა და ხელოვნების” რედაქტორად. 2007 წლიდან „ახალგაზრდა ხელოვანთა სალონის” დამფუძნებელი და ხელმძღვანელია.

დედა არწივი

ნეტა რამდენად უნდა გამყიდოთ,

რამდენმა უნდა დამინაწილოთ?

მიმიხმობს სოფლად ჩემი აკიდო

და დაჯიჯგნილი მაინც ვარწივობ!

მკორტნეთ, გამთელეთ თქვენი შეხება

ბრძოლის ყიჟინით სხეულს მიკაჟებს,

ვერ დაგიტიათ ჩემმა ფეხებმა,

მაგრამ რა ვუთხრა ხვალე იმ ვაჟებს,

რომ დაუფლითეთ უფლის კვართივით −

სამშობლო, მერე სულმთლად გაწირეთ.

თუმც არ მქონია ბედი მარტივი,

თქვენს ჯიბრზე მაინც დავზრდი არწივებს!

წყარო

ქართველი პოეტები (ენციკლოპედია)