ზემო კრიხი
ზემო კრიხი – სოფელი საქართველოში, რაჭაში, ამბროლაურის მუნიციპალიტეტში, მდებარეობს რაჭის ქედის ჩრდილოეთ კალთაზე, აქვეა მდინარე კრიხულა, რომელიც ვახუშტი ბატონიშვილის სიტყვით „ისახელა დაბის კრიხისაგან".“ „კრიხულა პატარა წყალია, სათავე აქ სხვავაში, გადის კრიხით, ჩაუდის ასე ამბროლაურს და იქ ერევა რიონს. სახეულათ სულ ერთია, სხვავაშიდაც კრიხულას უმძახიანა“. (ქ.ქუთაისი, 1980 წ.).
თვით სოფელ კრიხის წარმოშობას ადგილობრივი მოსახლეობა უკავშირებს ამ სოფელში თათრის ლაშქრის შემოსევისა და მისი განადგურების ამბავს – „მტერს კრახი განუცთია აქანეო“, მაგრამ ძნელი არ არის ამ გადმოცემის ხელოვნურობაში დარწმუნება: კრიხი, როგორც სოფელი, X-XI საუკუნეებიდან უკვე არსებობს, სიტყვა კრახი კი რამდენიმე ათეული წლის წინათ შემოვიდა ჩვენს სამეტყველო მიმოქცევაში. სოფელში დღესაც დგას ეკლესია XI საუკუნის წარწერით: „ქ. სახელითა ღთისათა ესე ჴელი დავწერეთ ჩ-ნ კრიხმან სოფელმან). ვინცა ნაწირავი დაჰჴუთოს, საბერო და წილ[ი]) საღთო და საღაპირო (სა(ა)ღაპო?) არა მისცეთ“.
საფიქრებელია, რომ ტოპონიმი კრიხ-ი ხრიკ-თან (|ხრიკოლა||ხრეკოლა – ასე ეწოდება მცენარე დიდგულას ქვემო რაჭაში) ან გოგრის მთა-რაჭულ ხრიკა”? სიტყვასთან იყოს დაკავშირებული. კრიხ-ი (– ხრიკი – ხრიკოლა) უნდა ნიშნავდეს „დიდგულის ხეებით მდიდარი ადგილი“, „დიდგულიანი"…
