ზოლებიანი გოჭალა

ზოლებიანი გოჭალა – Nemachilus tigri ciri Berg Nemachilus

ტიპი: ქორდიანები
კლასი: სხივფარფლიანნი
რიგი: კობრისნაირნი
ოჯახი: ხლაკუნასებრნი
გვარი:გოჭალები

თევზის სახეობა გოჭალების გვარისა. კუდის ფარფლი მოკვეთილია. (ახალგაზრდებს ოდნავ შესამჩნევად ამოკვეთილი აქვთ) მომრგვალებული ბოლოებით. სხეულზე 12-15 მკვეთრად გამოხატული გარდიგარდმოდ მდებარე მუქი ზოლები გასდევს (ახალგაზრდებს ზოლები მკაფიოდ არ ემჩნევათ). მკერდის ფარფლები მუცლის ფარფლებამდე ვერ აღწევს არც მუცლის ფარფლები აღწევს ანალურ ხვრელამდე. სხეული ძლიერ წვრილი ქერცლითაა დაფარული. სხეულის სიმაღლე, რომელიც კუდის ღეროს სიგრძის თანაბარია, სხეულის სიგრძეში (კუდის გარეშე) 5 1/2-ჯერ თავსდება, თავის სიგრძე – 4-ჯერ, მუცლის ფარფლის სიგრძე – 6,6-ჯერ. სხეულის უმცირესი სიმაღლე კუდის ღეროს სიგრძეში 1,6-ჯერ თავსდება. ზოგჯერ კუდის ღეროს ზურგის მხარეზე სუსტად განვითარებული ტროპი შეიძლება ჰქონდეს. ზურგის და კუდის მუქი წინწკლების რიგებია. პატარა ზომის თევზებია, რომლებიც სიგრძით 67 მმ-მდე აღწევენ. გოჭალა გვხვდება მტკვრის სათავეებში (არტაანის რაიონი).

წყარო

საქართველოს თევზების სარკვევი