თაბაგარი მარი
NPLG Wiki Dictionaries გვერდიდან
თაბაგარი მარი – (1975), პოეტი. დაიბადა ჭიათურაში. დაამთავრა სოფელ ხალიფაურის საშუალო სკოლა და შემდეგ სწავლა გააგრძელა სულხან-საბა ორბელიანის პედაგოგიური უნივერსიტეტში, ფილოლოგიის ფაკულტეტზე. სტუდენტობიდანვე მუშაობდა „ქალთა გაზეთში” კორესპონდენტად. ასევე მუშაობდა ტელეკომპანია პირველი არხის შოუ-პროგრამა „ჩემი მშვენიერი ლედის“ სცენარისტად. მისი ლექსები დაიბეჭდა „მზის არილის” სამ ტომში, ასევე გაზეთ „ლიტერატურულ საქართველოში”, ჟურნალ „ოლეში”. მისი სცენარით დაიდგა სპექტაკლი „სიზმარა” საბავშვო თეატრ „მეორე სახლში”.
- * * *
- ნდობა – ძნელად საპოვნელი განძი,
- ერთგულება – საარაკო ოდა,
- სიყვარული, იდუმალი მაინც,
- გამეტებით არასოდეს მთმობდა...
- ნაბიჯს არ ვდგამ წარსულისკენ ერთსაც,
- მინდა თვითონ აუჩქარო ფეხი;
- დამეწიე თუ გიყვარვარ, ჰოდა,
- შენში ისევ დამანახე ღმერთი!
