თაგვისარა
NPLG Wiki Dictionaries გვერდიდან
თაგვისარა – (Ruscus aculeatus L.); ოჯახი: თაგვისარასებრნი (Ruscaceae). დაბალი, 30-50 სმ სიმაღლის ბუჩქია, მორიგეობით განლაგებული ტოტებით. კლადოდიუმები პატარა ზომისაა – 1-3 სმ სიგრძის, ხეშეში, ტყავისებური, ლეგა, მუქი მწვანე, ლანცეტა გრძლად წაწვეტებული და წვრილი ეკლით დაბოლოებული. კლადოდიუმის მთავარი ძარღვი კარგად არის გამოსახული. ყვავილი – 1-2, რომლებიც სხედან კლადოდიუმების ქვედა მხარეზე. ყვ. ნაყ. II-IV. იზრდება მთის ქვედა სარტყელში, სადაც ქმნის რაყებს, აგრეთვე შედის მარადმწვანე ქვეტყის შემადგენლობაში. კახეთში მისი ნახვა შესაძლებელია ბაბანეურის სახელმწიფო ნაკრძალში. გავრცელებულია დასავლეთ საქართველოსა და შიდა ქართლში.
