თარგამაძე ნაზი

ნაზი თარგამაძე

თარგამაძე ნაზი — (1929 – 2010), საბავშვო პოეტი, ჟურნალისტი, საზოგადო მოღვაწე. დაიბადა ბორჯომში. 1951 წელს დაამთავრა თბილისის პუშკინის სახელობის პედაგოგიური ინსტიტუტის ფილოლოგიის ფაკულტეტი. იგი წლების განმავლობაში მუშაობდა ჟურნალებში – „მნათობი” და „საქართველოს ქალი”. გამოცემული აქვს კრებულები: „მეგობრები მოდიან”, „ვინ არის ამის მხატვარი” (1975), „მოგეფერებით ლექსით”, „რომ აგიხდეს ნატვრა” (2006).

* * *

დამცინიან – ყველა გასწრებს

გაღვიძებას დილითო,

რად ხარ ასე ძილისგუდა,

რომ ვერ ძღები ძილითო?!

ძილით როგორ უნდა გავძღე?! –

მიკვირს, მიკვირს ძალიან,

არასოდეს, არასოდეს,

ძილი არ მიჭამია.

წყარო

ქართველი პოეტები (ენციკლოპედია)