თევზაძე ბადრი

ბადრი თევზაძე

თევზაძე ბადრი – (1955), ქართველი პოეტი და მთარგმნელი. დაიბადა ბათუმში. 1972 წელს დაამთავრა ბათუმის პედაგოგიური ინსტიტუტი. 1976 წელს გაგამოსცა ლექსების პირველი წიგნი. არის ლექსების რამდენიმე კრებულის და დოკუმენტური პროზის – „პარიზში წასვლას რა უნდა?!” – ავტორი. გამოცემული აქვს „ფრანგული პოეზიის მცირე ანთოლოგია (XIX საუკუნე), ,,100 ფრანგული ლექსი” და ყველაზე მთავარი, ალექსანდრე ორბელიანის საზოგადოების მიერ გამოცემული „ფრანგული პოეზიის ათასწლეული“, სადაც თავმოყრილია მეთერთმეტე საუკუნიდან მოყოლებული მეოცის ბოლომდე 80-ზე მეტი ფრანგი პოეტის 250 ლექსი.

შარლ ბოდლერი

თარგმნა ბადრი თევზაძემ

სიყვარული და თავის ქალა

ძველი თავსართავი

ვით სამეფო ტახტზე მჯდარი,

კაცთა მოდგმის თავის ქალას,

აზის ტრფობა უტიფარი

და სიცილით ურცხვით ბღალავს

და ბუშტულებს, როგორც ბავშვი,

სუნთქვით მაღლა ერეკება,

თითქოს უნდა მოხდეს ცაში

სამყაროთა შეერთება.

ეს ნათელი მყიფე სფერო

აღმაფრენით არს მოცული

და – ზმანება ოქროსფერი,

– თვით დაფლითა თვისი სული.

მოცახცახე ქალა ცდილობს

შეარბილოს თხოვნით ვნება:

„ავთამაში სასაცილო

ნეტა როდის დამთავრდება?

ო, ურჩხულო, მკვლელი პირით

ჰაერში რომ შხეფად ისვრი,

არის მხოლოდ ჩემი ტვინი,

ჩემი ხორცი, ჩემი სისხლი!”

წყარო

ქართველი პოეტები (ენციკლოპედია)