თელარი
NPLG Wiki Dictionaries გვერდიდან
თელარი – მოწყობილობა დეკორაციების შესაცვლელად. იხმარებოდა დასავლეთ ევროპის თეატრებში XVI-XVII საუკუნეებში. თელარი წარმოადგენდა სწორკუთხა სამწახნაგოვან პრიზმას, რომლის გვერდები მზადდებოდა 3 ჩარჩოსაგან. ჩარჩოებზე გადაკრულ ტილოზე დახატული იყო სახლები, ხეები, კლდეები და ა. შ. თელარის მოტრიალება ამა თუ იმ მხარეს ხდებოდა სპეციალური ბერკეტით. თელარის მოტრიალებით იცვლებოდა გასაშლელი დახატული უკანა დეკორაცია. თელარის პროტოტიპად შეიძლება ჩაითვალოს ანტიკური სამყაროს „პერიაქტოზი“.