თერაპიული თემი
თერაპიული თემი - (therapeuthic communiti), სტრუქტურირებული გარემო, რომელშიც ფსიქოაქტიური ნივთიერებების მიღებასთან დაკავშირებული პირები იმყოფებიან რეაბილიტაციის მიზნით. ასეთი თემები ხშირად იქმნება სპეციალურად ფსიქოაქტიურ ნივთიერებებზე დამოკიდებული ადამიანებისათვის. მათ აქვთ მკაცრი წესები და ხელმძღვანელობენ პირები, რომლებიც განიკურნენ დამოკიდებულების სინდრომისაგან.
ასეთი თემები ხშირად გეოგრაფიულად იზოლირებულნი არიან. თერაპიული თემები ხასიათდებიან „რეალობის გამოცდის“ (ინდივიდისათვის არსებული ფსიქოაქტიური ნივთიერებების მიღების პრობლემის კონფრონტაციით) და გამოჯანმრთლების გზაზე მყოფი პირის თანადგომით (პერსონალისა და ირგვლივ მყოფი მსგავსი პრობლემების მქონე პირის მხრიდან). თერაპიული თემები მჭიდრო კავშირში არიან ურთიერთდახმარების ჯგუფებთან და ანონიმურ ნარკომანებთან.
