თვეების გაბაასება
„თვეების გაბაასება“ – გაბაასების ჟანრის შესანიშნავი ნიმუში რომელშიც 12-ვე თვე მონაწილეობს. ლექსი - ვრცელია და დრამატიზებული, დიალოგურ პრინციპზე აგებული. თვეების გაბაასება ფართოდაა გავრცელებული, იგი სანახაობრივი შესრულებისათვის უნდა ყოფილიყო განკუთვნილი. გაბაასების მონაწილეთა გამოსვლა ახალი წლით იწყება, როცა ძველი უკვე გასტუმრებულია და ყველა ახალ წელს შეხარის.
- იანვარი გვესტუმრა ახალ წელიწად დილასა,
- მასპინძელს კარგად იამა, სტუმრებსაც მოულხენსა.
- ძველ ანგარიშს მოუყობა იმ ქრისტეშობითვესა,
- ანგარიშებს დაურიგებს დღესასწაულის წელსა.
თვეების „ქება“ მართლაც ერთგვარ ანგარიშს წარმოადგენს, თუ რომელმა რით გამოიჩინა თავი და რას მოელის მომავალში. საჯაროდ სცენაზე გამოსულთა თვითდახასიათება და კამათი თოთეულის სახეს რელიეფურად აჩვენებს. ხალხური ლექსის მიხედვით მსმენელებს შეუძლიათ წინასწარ განსჭვრიტონ რაა მოსალოდნელი მომავალ თვეში და შესაბამისადაც აუღონ ალღო. თვეების გაბაასება წლის დროთა პაექრობასა და ცისა და ქვეყნის გასაუბრებას ეხმაურება. ნიმუშები საქართველოს ყველა კუთხეშია შეკრებილი.
მ. ჩიქოვანი
ლიტერატურა
- პ. უმიკაშვილი, ხალხ. სიტყვ., 1, 1964:
- ვ. კოტეტიშვილი, ხალხერი „პოეზია, 1961;
- მ. ჩიქოვანი, ქ. ხ. სიტყე. ისტ., 1956,
- „გაბაასება“; ხალხური სიბრძნე, IV, 1965.
