თურმანიძე ხოსრო

თურმანიძე ხოსრო – (XVI-XVII სს), პოეტი, ფირდოუსის „შაჰნამეს” ქართული ვერსიების − „როსტომიანის” − ერთ-ერთი მთარგმნელი ქართულ ენაზე. სვიმონ მეფის დავალებით უშუალოდ სპარსულიდან უთარგმნია „ბარზუნამეს” შემცველი ტექსტი. სულ გაულექსავს 972 სტროფი; გარდა ამისა, შეავსო სერაპიონ საბაშვილის მიერ გადმოღებული პირველი ნაწილი. ხოსრო თურმანიძის თარგმანი ზუსტია, მაგრამ მხატვრულად მდარეა (ამას არჩილ მეფეც აღნიშნავს).

წყარო

• ქართველი პოეტები (ენციკლოპედია)