იარსელი

ჲარსელ-ი (თაბ. Ярсель) – დაღესტნური (თაბასარანული) პანდემონიუმის პერსონაჟი – მშობიარე ქალთა ანტაგონისტი. რწმენის თანახმად, დემონი უკვე ახალმოლოგინებულ მძინარე დედასთან შავებში ჩაცმული ახლო ნათესავი ქალის სახით მოდიოდა და ცდილობდა მსხვერპლისთვის შავი ფერის მატყლის ძაფი კისერზე შემოეხვია, რის შედეგადაც ქალი კვდებოდა. დემონის სახელი წყევლის ფორმულებშიც გვხვდება: „შენ მოყოლოდე ჲარსელის ქვეშ! შენთვის დაერტყას ჲარსელს!“ (Ярселик кахъривун! Ярсели йивривуз!).

რ. სეფერბეკოვი ჲარსელის პერსონაჟში ყოფილი ღვთაების დაცემულ სახეს ხედავს („ჲარ-ი“).

ლიტერატურა

Сефербеков Р. И. Яр/Ярсель: к эволюции образа мифологических персонажей у народов Дагестана // Культурная жизнь Юга Росии. № 1 (44), 2012.

წყარო

კავკასიის ხალხთა მითები და რიტუალები