იერუსალიმის სომხური საპატრიარქოს წიგნთსაცავში დაცული ქართული ხელნაწერები
იერუსალიმის სომხური საპატრიარქოს წიგნთსაცავში დაცული ქართული ხელნაწერები – ძველ იერუსალიმში, ქალაქის სომხურ კვარტალში მდებარე წმ. იაკობის მონასტრის მდიდარ ბიბლიოთეკის სომხურ ხელნაწერებში საცავი ფურცლების სახით დაცულია ქართული ხელნაწერე-ბის ფრაგმენტები. აღნიშნული ინფორმაცია გმოქვეყნებულია იერუსალიმში გამოცემულ სომხურ ხელნაწერთა 11 ტომიანი კატალოგის (Մայր Ցուցակ Ձեռագրաց Սրբոց Յակոբեանց) III (1968), IV (1969), V (1971,) VI (1972), VII (1974), VIII (1977)და IX (1979) ტომებში.
ვინაიდან კატალოგში მითითებული არ არის ქართული საცავი ფურცლების რაობა, მოგვაქვს ხელნაწერების ტექნიკური მონაცემები:
Ms. 711. კრებული. 1619 წ. თავსა და ბოლოში ქართულად ნაწერი ეტრატის ორმაგი ფურცელი.
Ms. 1353. კრებული. უთარიღო. თავსა და ბოლოში ქართულად ნაწერი ეტრატის ორმაგი ფურცელი.
Ms. 1458. კრებული. უთარიღო. ბოლოში ქართულად ნაწერი ეტრატის ორი ფურცელი.
Ms. 1614. საგალობელთა კრებული. 1481 წ. თავსა და ბოლოში ქართულად ნაწერი ეტრატის თითო ფურცელი.
Ms. 1653. საგალობელთა კრებული. 1668 წ. თავსა და ბოლოში ქართულად ნაწერი ეტრატის ორმაგი ფურცელი.
Ms. 1725. ფსალმუნი. XVII (?) ს. თავსა და ბოლოში ძალიან მსხვილი ქართულით ნაწერი ეტრატის თითო ფურცელი.
Ms. 2312. პავლეს ეპისტოლეები. 1304 წ. თავში ორი, ბოლოში კი ქართულად ნაწერი ეტრატის ერთი ფურცელი.
Ms. 2331. რელიგიური შინაარსის კრებული. XIII ს. თავში ქართულად ნაწერი ეტრატის ერთი ფურცელი.
Ms. 2412. ჟამნი. 1671 წ. თავსა და ბოლოში ქართულად ნაწერი ეტრატის თითო ფურცელი.
Ms. 2470. საგალობელთა კრებული. 1479 წ. თავსა და ბოლოში ქართულად ნაწერი ეტრატის ორი ფურცელი.
Ms. 3135. სახარება. XIV ს. თავში ქართულად ნაწერი ეტრატის ერთი ფურცელი.
