იეფთაე
იეფთაე - (იფთახი, დაახლ. ძვ.წ. XIII-XII სს.) – ისრაელის მსაჯული და მხედართმთავარი. მისი დედა მენაშეს ტომიდან იყო.
იეფთაე ძმებმა სახლიდან გააგდეს და მემკვიდრეობის წილი არ მისცეს. ის ტობის უდაბნოში გაიქცა და ყაჩაღთა რაზმის მეთაური გახდა. როდესაც ამონიტელებმა ძალიან შეავიწროვეს ებრაელები, მათ დახმარებისთვის იეფთაეს მიმართეს. ის დასთანხმდა და ისრაელის ჯარს სათავეში ჩაუდგა.
ბიბლიის მიხედვით იეფთაე ღმერთს შეპირდა, რომ თუ გამარჯვებას მოაპოვებინებდა სახლში დაბრუნებულს პირველი რაც შეხვდებოდა მსხვერპლად შესწირავდა. მან მართლაც გაიმარჯვა და სასტიკად გაანადგურა ამონიტელთა ძალები. გამარჯვებულ გმირს სახლთან პირველი თავისი ქალიშვილი შეხვდა, მსაჯული იძულებული გახდა ფიცი შეესრულებინა. მკველვართა ნაწილი თვლის, რომ იეფთაეს ქალიშვილი მართლაც მსხვერპლად შესწირეს, ხოლო მეორე ნაწილის აზრით, გოგონა მთელი ცხოვრება უფლის მოძრავი ტაძრის მსახურად იქცა. იეფთაე ისრაელის მსაჯული ექვსი წლის განმავლობაში იყო. მისი გარდაცვალების ადგილი ბიბლიიდან უცნობია.
