ილია ჭავჭავაძის ლიტერატურულ-მემორიალური მუზეუმი

NPLG Wiki Dictionaries გვერდიდან
გადასვლა: ნავიგაცია, ძიება

ილია ჭავჭავაძის ლიტერატურულ-მემორიალური მუზეუმი - ილია ჭავჭავაძის ლიტერატურულ-მემორიალური მუზეუმი გაიხსნა ილია ჭავჭავაძის დაბადებიდან ასორმოცდაათი წლის საიუბილეოდ 1987 წლის 23 ოქტომბერს თბილისში, ივანე ჯავახიშვილის ქუჩა №7, ილიას დის, ელისაბედ საგინაშვილის ყოფილ სახლში, სადაც 1889-1901 წლამდე ცხოვრობდა ილია ჭავჭავაძე და აქვე ხელმძღვანელობდა გაზეთ „ივერიის” გამოცემას.

მუზეუმის ფონდებში დაცული მასალების რიცხვმა 10 000-ს გადააჭარბა. მუზეუმში დაცულია ილია ჭავჭავაძის ცხოვრებასა და მოღვაწეობასთან დაკავშირებული მემორიალური ნივთები, ბიბლიოთეკა, დოკუმენტური და ფოტო მასალა.

ილია ჭავჭავაძის ლიტერატურულ-მემორიალური მუზეუმს აქვს ფილიალები: ერთი - გ. ჩუბინაშვილის ქუჩა №22 მდებარე ილია ჭავჭავაძის სახლ-მუზეუმი, რომელიც გაიხსნა ილია ჭავჭავაძის დაბადებიდან ას ოცი წლის საიუბილეოდ 1957 წელს. ამ სახლში ილია ცხოვრობდა 1902-1907 წლამდე; მეორე - შიო არაგვისპირელის სახლ-მუზეუმი.


წყარო

ლიტერატურული თბილისი, მეგზური

მოძიებულია „https://www.nplg.gov.ge/wikidict/index.php?title=%E1%83%98%E1%83%9A%E1%83%98%E1%83%90_%E1%83%AD%E1%83%90%E1%83%95%E1%83%AD%E1%83%90%E1%83%95%E1%83%90%E1%83%AB%E1%83%98%E1%83%A1_%E1%83%9A%E1%83%98%E1%83%A2%E1%83%94%E1%83%A0%E1%83%90%E1%83%A2%E1%83%A3%E1%83%A0%E1%83%A3%E1%83%9A-%E1%83%9B%E1%83%94%E1%83%9B%E1%83%9D%E1%83%A0%E1%83%98%E1%83%90%E1%83%9A%E1%83%A3%E1%83%A0%E1%83%98_%E1%83%9B%E1%83%A3%E1%83%96%E1%83%94%E1%83%A3%E1%83%9B%E1%83%98&oldid=168900“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები