იმიტაცია (საესტრადო ჟანრი)
NPLG Wiki Dictionaries გვერდიდან
იმიტაცია – საესტრადო ჟანრი. იმიტაციის ნომრის შემსრულებელი ზედმიწევნით ბაძავს ბუნებისა და ყოფის სხვადასხვა მოვლენებს, მუსიკალური საკრავების ხმიანობას (ე. წ. „ადამიანი ორკესტრი“), ცხოველებისა და ფრინველების ბგერებს, მატარებლის ხმაურსა და ა. შ. ასეთი სახის იმიტაციას ეწოდება აგრეთვე ხმიანობის მიბაძვა. იმიტაციის ნომერი ჩვეულებრივ არაა მხატვრული ღირებულებისა და თანამედროვე, ესტრადაზე იშვიათად გვხვდება.