იმნაიშვილი გრიგოლ

წარწერის ტექსტი

გრიგოლ იმნაიშვილი – (დ. 3 დეკემბერი, 1912, ქ. ტყვარჩელი, – გ. 14 ოქტომბერი 1997, თბილისი), ენათმეცნიერი, ფილოლოგიურ მეცნიერებათა დოქტორი (1995).

დაამთავრა ქუთაისის პედაგოგიური ინსტიტუტის ქართული ენისა ღა ლიტერატურის ფაკულტეტი (1937), საქართველოს მეცნიერებათა აკადემიის ენის, ისტორიისა და მატერიალური კულტურის ინსტიტუტის ასპირანტურა (1941). მუშაობდა ენათმეცნიერების ინსტიტუტის უმცროს (1946), უფროს (1955), წამყვან (1995-იდან) მეცნიერ თანამშრომლად.

იკვლევდა ქართული სალიტერატურო ენასა და მის დიალექტებს. ავტორია 7 წიგნისა და 110-ზე მეტი სამეცნიერო სტატიისა.

ლ. კეანტალიანი

თხზულებები

• ქართული ენის კახური დიალექტი. თბ. 1956 (ა. მარტიროსოვის თანაავტორობით);
• ქართული ენის ინგილოური დიალექტის თავისებურებანი, თბ., 1966;
• ქართული დიალექტოლოგიის ბიბლიოგრაფია, თბ., 1969;
• ქართლური დიალექტი (გამოკვლევა და ტექსტები), I თბ. 1974;
• დიალექტოლოგიური ლიტერატურის ბიბლიოგრაფია, თბ., 1999:
• ქართული ენის გურული დიალექტი, თბ. 2005

წყარო

ქართული ენა: ენციკლოპედია