ინტერლუდია (თეატრში)

ინტერლუდია — (გვიანლათ. interhudium, ლათ. inter – შორის და ludus — თამაში) – დრამატული ნაწარმოების სახეობა, რომელიც განვითარდა ინგლისში შუა საუკუნეების ბოლოს და აღორძინების ეპოქის დასაწყისში. პირველ ხანად ეს იყო საზეიმო ღონისძიების შუაში განთავსებული პატარა სცენური ქმედება. მე-15 ს. დამლევს ინტერლუდიის ჟანრმა დაიკავა მნიშვნელოვანი ადგილი ეპოქის თეატრალურ ხელოვნებაში.

ზოგიერთ ინტერლუდიაში მოქმედებდნენ ალეგორიული პერსონაჟები (ქველნი და ბოროტნი), რაც დამახასიათებელი იყო მორალიტესათვის. დროთა განმავლობაში ინტერლუდია სულ უფრო შორდება რელიგიურ-დიდაქტიკურ თემებს და გადაიზრდება არისტოკრატულ-ფარსულ წარმოდგენაში. ინტერლუდია ერთგვარი ხიდია მორალიტესა და ფარსს შორის. ინტერლუდიის საუკეთესო ავტორად გვევლინება ჯ. ჰეივუდი.

წყარო

ხელოვნების განმარტებითი ლექსიკონი