იოლაოსი
NPLG Wiki Dictionaries გვერდიდან
იოლაოსი – (ბერძნ.) ჰერაკლეს ძმის, იფიკლესის ძე. ჰერაკლეს მეგობარი და მეეტლე, რომელმაც გაიმარჯვა ოლიმპიურ თამაშებზე.
ლეგენდის თანახმად, იოლაოსმა აზიარა ბერძნულ კულტურას კუნძულ სარდინიას მოსახლეობა. მან დააარსა ბერძნული კოლონია კუნძულ სიცილიაზე. და მართლაც, ამ კუნძულებზე არსებობდა იოლაოსის კულტი. ბერძნებს სწამდათ, რომ იოლაოსი დაკრძალული იყო მისივე პაპის, ამფიტრიონის სამაროვანში. იოლაოსის პატივსადებად იმართებოდა ასპარეზობებიც. (ჰერაკლე, ლერნეს ჰიდრა).
