იტალიური ფუტკარი

იტალიური ფუტკარი - ფუტკრის ჯიში. შემოყვანილია იტალიიდან. ფუტკარს აქვს. ოქროსფერი შეფერილობა. ხორთუმის სიგრძე 6,5 მმ-ია, ერთი დღის ფუტკრის მასა 115 მგ, განუყოფიერებელი დედის მასა 190 მგ, განაყოფიერებულისა 210 მგ. ოჯახის ინტენსიური განვითარების პერიოდში დედის კვერცხმდებლობა დღე-ღამეში 1600-2500 კვერცხია. ოჯახები მალე ვითარდებიან, ეფექტურად იყენებენ ღალიანობას.

ფუტკარს აღენიშნება სუსტი ზამთარგამძლეობა ცივი, ხანგრძლივი ზამთრის პირობებში და ნოზემატოზისა და მანანას ტოქსიკოზის მიმართ გაზრდილი მგრძნობიარობა. იტალიურ ფუტკარს აშენებენ დარაიონების ზონაში. ზემოდ ჩამოთვლილი ღირსებების (დედის ნაყოფიერება და ძლიერი ღალიანობის პირობებში მაღალი სათაფლე პროდუქტიულობა) გამო მისი გამოყენება შეიძლება სასელექციო სამუშაოებში და სამრეწველო შეჯვარებაში.

წყარო

მეფუტკრეობის ცნობარი