კათენარული თაღი

კათენარული თაღი (ჯაჭვური თაღოვანი კამარა) – თაღი, რომელსაც გადაბრუნებული ჩაკიდებული ჯაჭვის ფორმა აქვს. ბოლოებით დამაგრებულ ერთგვაროვან ჯაჭვს ან თოკს ჰიპერბოლური კოსინუსის ფუნქციის გრაფიკის ფორმა აქვს (ამ გრაფიკს ზოგჯერ ჯაჭვურ ხაზსაც უწოდებენ). ასეთი მრუდის უპირატესობაა ის, რომ ეს კონსტრუქცია კარგად ანაწილებს მასზე მოქმედ დატვირთვებს. არქიტექტურაში კათენარული თაღის გამოყენების მაგალითებია: ზამთრის ბაღი გადახურული ხის კათენარული თაღებით, შეფილდი, ინგლისი; წმინდა პავლეს ტაძრის გუმბათი, ინგლისი; სამეფო კოლეჯის საყარაულო, კემბრიჯი, ინგლისი; ბრუნელესკის გუმბათი, ტაძარი სანტა-მარია-დელ ფიორე, ფლორენცია, იტალიის რესპუბლიკა; ბაიის სახლი, ბარსელონა, კატალონია, ესპანეთის სამეფო; მოდერნისტული შენობა „კასა მილა“ (ლა პედრერა), ბარსელონა, კატალონია, ესპანეთის სამეფო; ეკლესია კოლონია გუელიაში, კატალონია, ესპანეთის სამეფო და სხვ.;