კატრენი

კატრენი − (ფრანგ. ოთხტაეპიანობა), ოთხტაეპიანი სტროფი. იგი სტროფის ყველაზე გავრცელებული სახეობაა. ოთხტაეპიანი სტროფი ქართულ ხალხურ პოეზიაში დამოუკიდებელ ლექსადაც გვევლინება:

ნუ იცინი, ნუ მაცინებ,

თორემ გაგვაჭორებენო,

გაგვიგებენ სიყვარულსა,

დაგვაშორიშორებენო.

ანალოგიური მოვლენა ცალკეულ მწერალთა შემოქმედებაშიც გვხვდება, უფრო მეტად აღმოსავლურ პოეზიაში (მაგალითად, ომარ ხაიამი და სხვ.).

წყარო

ლიტერატურის თეორიის მცირე ლექსიკონი