კელაპტარა
NPLG Wiki Dictionaries გვერდიდან
კელაპტარა – (Orobanche gracilis Sm.); ოჯახი: კელაპტარასებრნი (Orobanchaceae). 60 სმ სიმაღლის პარაზიტული მცენარეა. ძირში გამსხვილებულია და შემოსილია ჯირკვლოვანი ბეწვით. ქვედა ქერცლები კვერცხისებურია, შიშველი. ზედა კი მოგრძოა, შებუსული. თანაყვავილები ქერცლების მსგავსია. გვირგვინი ზარისებურია, ძირის ოდნავ ზემოთ გამობერილი. ზედა ტუჩი მთლიანად ან ძარღვების გაყოლებაზე მეწამული ფერისაა. ზედა ტუჩი მთლიანია ან დაკეცილ-ამოკვეთილი. ყვ. ნაყ. V-VI. მცენარე პარაზიტობს პარკოსანი მცენარეების ფესვებზე. გვხვდება მთის შუა სარტყლიდან სუბალპურ სარტყლამდე, მისი ნახვა საქართველოში შესაძლებელია ყველგან, თუმცა საკმაოდ იშვიათია. ცნობილია, ძირითადად, აღმოსავლეთ საქართველოში.
