კიზირია ანტონ

ანტონ კიზირია – (დ. 8 იანვარი 1914. სოფ. კოდორი, აბაშის რ-ნი, – 8 დეკემბერი 1986, თბილისი), ფილოლოგი. ფილოლოგიურ მეცნიერებათა დოქტორი (1965), პროფესორი (I969), საქართველოს მეცნიერების დამსახურებული მოღვაწე (1985).

დაამთავრა ქუთაისის პედაგოგიური ინსტიტუტის ქართული ენისა და ლიტერატურის ფაკულტეტი (1937), თსუ ასპირანტურა ქართული ენის განხრით (1941). მუშაობდა ენათმეცნიერების ინსტიტუტში ჯერ უმცროს (1943), შემდეგ უფრო მეცნიერ თანამშრომლად. იყო თსუ ახალი ქართული ენის კათედრის დოცენტი (1945-1955). ეწეოდა პედაგოგიურ მოღვაწეობას თბილისში, ქუთაისსა და თელავში. იკვლევდა ქართველური ენების სტრუქტურისა და ისტორიის საკითხებს, ძირითადად – ქართველური ენების სინტაქსის პრობლემებს. ავტორია 9 წიგნისა და რამდენიმე ათეული სამეცნიერო სტატიისა. ეწეოდა ნაყოფიერ საზოგადოებრივ საქმიანობას, მიღებული ჰქონდა მთავრობის ჯილდოები.

ლ. კვანტალიანი

თხზულებები

• მარტივი წინადადების შედგენილობა ძველ ქართულში, თბ, 1963;
• რთული წინადადების შედგენილობა ძველ ქართულში, თბ. 1969;
• მარტივი წინადადებების შედგენილობა ქართველურ ენებში, თბ. 1982;
• მარტივი წინადადებების ტიპები წევრთა შემადგენლობის მიხედვით და კომუნიკატივები, თბ. 1987;
• ნარკვევები ქართული ენის შესწავლის ისტორიიდან, თბ., 1997.