კნაპა

კნაპა - Crataegus orientalis Pall. ex M. Bieb.

კნაპა ვარდისებრთა ოჯახიდანაა. სიმშრალის მოყვარულია და ხარობს უმეტესად ქვიან ფერდობებზე, მთის შუა სარტყელში, მშრალი ადგილების ბუჩქნარში და მუხნარ-ჯაგრცხილნარში. კნაპა უმეტესად ბუჩქია, თუმცა 5 მ-მდეც იზრდება. ეკლიანი ყლორტები ხშირი შებუსვით გამოირჩევა. ნაცრისფრადაა შებუსვილი უხეში ფოთლებიც, სამნაკვთიანი, ნაკვთების წვერში სამი-ოთხი კბილით. კნაპას ყვავილი თეთრია, ყვავილედი – ფარი. ნაყოფი კენკრაა, მოწითალო-ნარინჯისფერი, გარედან პრიალა ან მოკლე ბუსუსებით დაფარული. მწიფდება სექტემბერში.

წყარო

ჩვენი ტყისა და მინდვრის ყვავილები ხეები და ბუჩქები