კნემიდოკოპტესი
NPLG Wiki Dictionaries გვერდიდან
კნემიდოკოპტესი (Knemidocoptes; ბერძნ. kneme წვივი + koptein დაზიანება) – ტკიპების გვარი; მიეკუთვნება Analgesoidea-ს ზეოჯახს (ბუმბლიანი ტკიპები), Sarcoptiformes ქვერაზმს, Acariformes რაზმს. პარაზიტობენ ფრინველების სხეულზე.
Knemidocoptes mutans (ლათ. ცვალებადი) – სახეობა, პარაზიტობს ქათმის, ინდაურის, ციცრის, მტრედის და სხვა ფრინველების ფეხების უბუმბლო ნაწილის რქოვანა გარსის ქვეშ. იწვევს ქათმის ფეხის მუნს, მღერს („კირიანი ფეხი“). გავრცელებულია ყველგან. უპირატესად ავადდებიან ერთ წელზე მეტი ასაკის ფრინველები;
Knemidocoptes laevis (ლათ. გლუვი, სწორი) – სახეობა, აზიანებს ქათმის კანს ბუმბულით დაფარულ ადგილებში (კანის კნემიდოკოპტოზი).
