კრისტალიზაცია
კრისტალიზაცია – პროცესი ნივთიერების ფაზური გადასვლისა თხევადი, აირადი, ნადნობი, ამორფული მდგომარეობიდან მყარ მდგომარეობაში, კრისტალების წარმოქმნით, რის შედეგად ნივთიერების ქიმიური შემადგენლობა, სტრუქტურა და თვისებები იცვლება ნახტომისებურად.
ქიმიურ მრეწველობაში კრისტალიზაციის პროცესი გამოიყენება ნივთიერებების სუფთა სახით მისაღებად. დუღაბებსა და ბეტონებში, მინერალურ შემკვრელებში წმინდად დაქუცმაცებული შემკვრელის წყალთან შერევისას, წარმოიქმნება კოაგულაციური სტრუქტურა, რომელიც განსაზღვრავს ნარევის საწყის კონსისტენციას. შემკვრელი „იხსნება“ წყალში თერმოდინამიკურად გადაჯერებული დუღაბის წარმოქმნით. შემდეგ ჩნდებიან ჰიდრატული ახალწარმომქმნელთა ჩანასახები, ისინი თანდათან ეზრდებიან უწესრიგო სივრცულ კრისტალიზაციურ სტრუქტურას, რომელიც მკვრივდება და მტკიცდება კრისტალებთან შერწყმის შედეგად. ნარევის შემადგენლობაში სხვადასხვა დანამატის შეყვანით შეიძლება ვმართოთ გამაგრების პროცესები და მასალის თვისებები მივუახლოოთ მოთხოვნილებას.
